👤 ENSTRIKSYON PÒTAY ITILIZATÈ A

Kijan pou itilize Pòtay ou a

Paj sa a eksplike kijan pou itilize Pòtay itilizatè ki ajou a. Ou ka gade tou leson patikilye videyo reseptè a sou lyen sa a.

Mizajou enpòtan

Tranzaksyon ki konteste

• Dat limit pou konteste rekòmandasyon reseptè a pase (16 desanm 2024)
• Ou pa kapab fè chanjman nan jounal tranzaksyon ou a ankò
• Montan reseptè a te fikse pou depo ak retrè ou yo ap itilize pou kalkile pèman ou yo sof si ou te fè kontestasyon anvan dat limit 16 desanm nan

Sa ou dwe fè kounye a

• Antre enfòmasyon pèman ou yo si ou poko fè sa
• San enfòmasyon sa yo, ap gen reta sou pèman w lan
• Ou kapab tou mete enfòmasyon kontak ou ajou sou pòtay la

Blokaj pou Verifikasyon

• Gen yon ti kantite Itilizatè ki ap wè yon bando "Blokaj Verifikasyon" nan tèt paj Pòtay Itilizatè yo a
• Sa pa rive souvan - si ou wè sa, yon moun nan ekip nou an te kontakte ou oswa ap kontakte ou byento

Sitiyasyon espesyal

• Pou moun ki gen kont ki mouri yo: Soumèt fòmilè sa a pou mete ajou enfòmasyon sou benefisyè yo
• Pou ranpli yon sezi sou yon distribisyon: Soumèt fòmilè sa a
• Voye dokiman sipò yo bay EminiFX@Stretto.com
• Remak: Nou pa kapab mete yon sezi sou pèman ki deja fèt

ENFÒMASYON KONTAK

Kenbe Enfòmasyon Ou Yo Ajou

Si ou bezwen mete enfòmasyon pou kontakte w yo ajou:

1. Klike sou bouton "Chanje enfòmasyon kontak mwen an"
2. Fè koreksyon ou yo
3. Anrejistre chanjman ou yo

Enpòtan: Asire w adrès imèl ou kòrèk. Se sou li nou ap voye mizajou enpòtan sou reklamasyon ak
pèman w yo.

ESTATI REKLAMASYON AN

Konprann estati w

Seksyon "Claim Status" ("Estati Reklamasyon") a montre:

• Depo total ak retrè total ou yo
• Si gen nenpòt tranzaksyon ki konteste
• Nan ki klas pèman ou ye

Sa Koulè Bando yo vle di

🟢 Bando Vèt (pa gen kontestasyon)

• Yo aksepte epi verifye tout tranzaksyon ou yo
• Ou pa bezwen fè anyen ankò pou verifye tranzaksyon yo
• Men ou dwe toujou:
  • Bay enfòmasyon pèman ou yo
  • Asire w enfòmasyon kontak ou yo kòrèk

🔴 Bando Wouj (Tranzaksyon ki konteste)

• Reseptè a konteste youn oswa plizyè nan tranzaksyon ou yo
• Ou te kont rekòmandasyon reseptè a
• Ou dwe toujou bay enfòmasyon pèman ou yo pou nou genyen yo lè kontestasyon ou an
  rezoud

🔵 Bando Ble (Pa gen Tranzaksyon)

• Ou pa gen okenn tranzaksyon sou pòtay ki ajou ou a
• Pa gen anyen ankò ou dwe fè pou kounye a

💳 ENFÒMASYON SOU PÈMAN

Kijan Pou Bay Detay Pèman Ou

Itilize seksyon sa a sou Pòtay Itilizatè a pou di nou kijan ou vle resevwa pèman ou yo:

1. Chwazi metòd pè man ou pi pito nan meni ki ap dewoule a:
   • Depo dirèk labank
   • PayPal
   • Venmo
   • Lòt opsyon elektwonik
   • Chèk papye (pou adrès Etazini sèlman)
2. Nou rekòmande metòd pèman elektwonik pou yon pwosesis ki pi rapid.
3. Enpòtan: Nou pa ka voye chèk papye bay adrès ki pa nan Etazini.

Mete Enfòmasyon sou Pèman Ou Ajou

• Si ou bezwen chanje detay pèman ou pou pwochen pèman yo, ou ka mete yo ajou nan
  seksyon Pèman an
• Si nou pa t kapab ranpli pèman w lan ak metòd ou chwazi a, w ap resevwa yon imèl k ap
  mande w pou mete enfòmasyon w yo ajou
• Si yo te retounen chèk ou a ba nou, w ap resevwa yon imèl k ap mande w pou w mete
  enfòmasyon w yo ajou
• Si pèman ou an te fèt pa mwayen elektwonik, men ou poko rekipere li, w ap resevwa yon
  imèl ki di ou tcheke kont elektwonik ou an
• Remak: Seksyon Pèman an ap fèmen pafwa pandan n ap trete pèman yo, epi l ap relouvri
  lè pèman yo fini

📋 JOUNAL TRANZAKSYON KI AJOU

Konprann tranzaksyon ou yo

Jounal tranzaksyon ou an montre tout tranzaksyon EminiFX ou yo ak estati yo:

• Tranzaksyon ki Verifye yo konfime
• Tranzaksyon ki Konteste yo montre yon rezon anba seksyon "Base for Dispute" ("Motif
  Kontestasyon an")

Tout montan yo afiche an dola ameriken. Ou ap wè:

• Montan itilizatè - sa ou rapòte yo
• Montan reseptè a Detèmine - sa reseptè a konfime (kapab zewo oswa diferan de kantite
  lajan ou)

Estati Tranzaksyon

• Si ou te aksepte rekòmandasyon reseptè a oswa ou pa t reponn anvan dat limit lan,
  tranzaksyon an make kòm "verifye"
• Si ou te fè objeksyon anvan dat limit lan, tranzaksyon an make kòm "konteste"

Konprann rezon kontestasyon

✅ Okenn kontestasyon

Kisa sa vle di: reseptè a dakò ak kantite epi tip tranzaksyon w lan.

📄 Dokiman ki manke

Kisa sa vle di: Ou pa t bay ase prèv pou tranzaksyon w lan.

Kisa ki ka ede rezoud sa a:

• Pou depo atravè CoinPayments: Imèl konfimasyon ki soti nan CoinPayments.net ak Idantifikasyon tranzaksyon an (kòmanse ak "CP")
• Pou depo labank: fich depo, konfimasyon transfè labank lan, oswa relve labank ki montre depo a sou yon kont EminiFX

📈 Chèche ROI/Bonis

Kisa sa vle di: W ap mande kredi pou Randman sou Envestisman (Return on Investment, ROI)
oswa bonis, plan an pa rekonèt sa. Sa a gen ladan pèman atravè "ewallet" tou.

👥 Kontestasyon ant itilizatè yo

Kisa sa vle di: Se oubyen:

• Ou ap reklame yon transfè entèn nan men yon lòt itilizatè, oswa
• Ou ap reklame yon lòt moun te fè yon depo sou non ou.
• Plan an pa rekonèt transfè entèn oswa diskisyon itilizatè yo sou pwopriyete depo

💲 Otorize men pou yon montan ki diferan

Kisa sa vle di: Tranzaksyon ou a valab, men kantite lajan an diferan de sa ou te reklame a.

💸 Retrè ki fin fèt

Kisa sa vle di: Ou te konteste yon retrè, men reseptè a gen prèv solid (souvan se dosye
blockchain) ki konfime retrè a te fèt.

👤 Pwopriyetè tranzaksyon an se yon lòt moun

Kisa sa vle di: Yon tranzaksyon ou reklame se pou yon lòt itilizatè li ye (yo ap montre ou non
itilizatè a).

🔄 Tranzaksyon Doub

Kisa sa vle di: Ou te ajoute yon tranzaksyon ki deja parèt sou jounal ou oswa ou te soumèt menm
tranzaksyon an plizyè fwa.

❌ Tranzaksyon an pa fin fèt

Kisa sa vle di: Dosye yo montre ou te kòmanse tranzaksyon an men ou pa janm fini li.

🔀 Move itilizatè

Kisa sa vle di: Nan ka ki pa rive souvan, gen yon tranzaksyon yo voye bay move itilizatè a.

📅 Andeyò Dat Otorize yo

Kisa sa vle di: Dat tranzaksyon an andeyò peryòd aktivite EminiFX.

👥 Tranzaksyon an sou yon kont doub

Kisa sa vle di: Ou gen plizyè kont, epi tranzaksyon sa a deja parèt sou lòt kont ou a.

Ou Bezwen Èd?

Si w gen kesyon oswa nouvo dokiman pou sipòte ka w la, ou ka soumèt yo atravè sistèm
kominikasyon Pòtay Itilizatè a.

🔄 KONT KI ASOSYE

Estati Fonksyon Asosye Kont

Fonksyon fizyon kont lan rete disponib epi ou ka itilize li pou konbine plizyè kont EminiFX an yon sèl. Sa ka apwopriye si ou gen de oswa plis kont EminiFX. Moun k ap resevwa demann lan ap revize demann sa yo jan yo soumèt yo. Tanpri prevwa jiska yon semèn pou yon repons.

Pou itilizatè yo deja kontakte sou asosyasyon kont yo

• Si reseptè a te idantifye kont ki bezwen asosye ou genyen yo, ou ta dwe resevwa yon mesaj sou Pòtay Itilizatè ou an
• Mesaj ou a ap di w si reseptè a ap asosye kont ou yo
• Apreè asosyasyon an, ou ap wè tout tranzaksyon ki soti nan tou de kont yo yon sèl kote
• Ou p ap pèdi okenn tranzaksyon sof si yo parèt sou tou de kont yo (doublon)

REGLÈMAN PWOFI NET

Ki sa ki pwofi net la

Gen yon ti kantite itilizatè ki retire plis lajan nan EminiFX pase sa yo te mete. Lajan siplemantè sa
a rele "pwofi net.”

Pwosesis Rekiperasyon

• Reseptè a gen dwa legal pou repran pwofi nèt sa yo
• Olye pou yo ale nan tribinal, reseptè a prefere regle sa

Pwopozisyon Solisyon

Si ou te resevwa pwofi net, ou ap:

• Resevwa yon imèl ak yon pwopozisyon solisyon
• Y ap mande pou w retounen mwatye pwofi nèt ou a epi kenbe lòt mwatye a
• Monte sou Pòtay Itilizatè w la pou w aksepte pwopozisyon sa a

Poukisa sa enpòtan

Tout lajan yo repran yo ap la pou ogmante pèman manm EminiFX ki pèdi lajan yo.

Kijan Pou Aksepte ak Peye

1. Antre sou Pòtay itilizatè ou a
2. Klike sou "Accept" ("Aksepte") nan pwopozisyon solisyon an
3. Suiv enstriksyon pèman yo sou Pòtay ou a
4. Aprè ou fin peye, w ap resevwa yon akò règleman ki siyen

Akò Solisyon

Ou ka wè fòmilè akò solisyon an sou Pòtay itilizatè w la.

***

Si w ta gen nenpòt kesyon ki pa mansyone nan paj sa a, tanpri kontakte Stretto atravè imèl sou EminiFX@stretto.com oswa lè w rele liy enfòmasyon sou ka a nan 855-228-3721 (gratis) ak 1-
949-407-5078 (entènasyonal).